-A ARTE DENDE O XURÉS-🎨✨

EXPOSICIÓN FIN DE CURSO

Ao longo de todo o curso, o alumnado do CEIP Plurilingüe do Xurés mergullouse no apaixonante mundo da arte a través de diferentes propostas e actividades inspiradas en recoñecidos artistas. Cada experiencia permitiulles descubrir novas técnicas, desenvolver a súa creatividade e expresar as súas emocións e ideas.

Como peche deste fermoso percorrido, todas estas creacións reuníronse nunha exposición final que reflicte o esforzo, a ilusión e o talento demostrado polo noso alumnado.

E despois de contemplar todo o seu traballo… non credes que os nosos nenos e nenas son uns verdadeiros artistas? 

Obra de teatro: El Lazarillo de Tormes

O alumnado de 6.º de Educación Primaria levou a escena unha teatralización de "El Lazarillo de Tormes", obra traballada na área de Literatura como parte do noso Proxecto Documental Integrado (PDI). Esta actividade permitiulles achegarse dun xeito dinámico e creativo a un dos clásicos máis destacados da literatura española. 

* Para ver a obra completa prema no seguinte enlace: El Lazarillo de Tormes